Dementia Support Line
Adnoddau dementia yn Gymraeg
Rydym yn edrych ar amrediad o adnoddau defnyddiol yn ymwneud â dementia sydd ar gael yn Gymraeg.
Darllenwch y stori hon yn Saesneg
Ein gwybodaeth ac erthyglau
Mae nifer o adnoddau argraffedig ac ar-lein gan y Gymdeithas Alzheimer’s gyda gwybodaeth yn Gymraeg am ddementia ac mae nifer gynyddol o erthyglau ein cylchgrawn hefyd ar gael yn Gymraeg - edrychwch ar ein hadnoddau Cymraeg.
Pecyn sgwrsio
Mae Hen wlad fy nhadau (Land of my fathers) yn becyn hyfryd y gellir ei defnyddio i gychwyn sgyrsiau, gyda chyfieithiadau Saesneg. Mae’n cynnwys llyfryn clawr caled 64-tudalen yn llawn delweddau a geiriau – popeth o ganeuon Cymraeg a ryseitiau i Shirley Bassey a Richard Burton – ynghyd â DVD 35-munud a 36 cerdyn llun. Mae’r pecyn yn costio £20 gyda chostau postio a phecynnu ar ben hynny o Pictures to Share.
Darllen yn Well
Mae Llyfrau Darllen yn Well ar Bresgripsiwn ar gyfer dementia – rhestr o adnoddau a ddewiswyd yn benodol ar gyfer pobl yr effeithir arnynt gan y cyflwr – ar gael o lyfrgelloedd cyhoeddus ledled Cymru, ac mae nifer gynyddol o’r rhain yn cael eu cyfieithu i’r Gymraeg am y tro cyntaf.
Profedigaeth, colled a dementia
Mae Profedigaeth, colled a dementia – llyfryn i helpu i gefnogi person gyda dementia sydd wedi dioddef profedigaeth – ar gael yn Gymraeg ac yn Saesneg. Cynhyrchwyd gan Gofal mewn Galar Cruse mewn partneriaeth â Chymdeithas Alzheimer’s Cymru.