Brwdfrydedd y corachod: Gwisgwch i fyny ar gyfer Elf Day
Mae Hyrwyddwr Ffrindiau Dementia yn ne Cymru yn trefnu cyfle arall i wisgo i fyny a hel arian ar ddiwrnod Elf Day eleni.
Darllenwch y stori hon yn Saesneg
Y llynedd roedd Elf Day yn gymaint o lwyddiant yng Nghanolfan Gweithredu Dysgu Glynebwy ym Mlaenau Gwent nes eu bod yn benderfynol o wneud hyd yn oed mwy o sioe ar gyfer 2019.
Dywed Julie Thomas, Hyrwyddwr Ffrindiau Dementia lleol, ‘Roedd yn anhygoel y llynedd! Treuliais y diwrnod cyfan gydag wynebau llawen o fy nghwmpas, yn clywed chwerthin ym mhob cornel o’r adeilad, ac roedd pawb wrth eu bodd â’r gweithgareddau.’
‘Ymunodd bron i 100 o bobl â ni i ddathlu a chodi arian,’ meddai Julie.
Roedd y diwrnod yn llawn caneuon, sesiwn ymarfer corff ysgafn, mins peis, cwis Nadolig, ymweliad gan Siôn Corn a hyd yn oed rhywfaint o ddawnsio llinell Nadoligaidd.
‘Ymunodd bron i 100 o bobl â ni i ddathlu a chodi arian, ac roedd Siôn Corn yn llwyddiant mawr gyda’r teuluoedd,’ meddai Julie.
‘Mae pob un ohonom yn y grŵp trefnu eisiau ei wneud eto yn 2019, ac rydym wedi ymrwymo i’w wneud yn ddiwrnod hyd yn oed gwell eleni.’
Hwyl, arian a mwy
Ar wahân i fod yn esgus da arall i wisgo i fyny a mwynhau’r cyfnod cyn y Nadolig - i gyd wrth godi arian hanfodol - gall Elf Day hefyd danio mwy o ymwybyddiaeth am ddementia. Y llynedd, arweiniodd hyn at Julie yn cynnal sesiwn wybodaeth Ffrindiau Dementia yn ddiweddarach y mis hwnnw.
‘Roedd y sesiwn ar gyfer staff y ganolfan, cysylltwyr cymunedol a thiwtoriaid o asiantaethau eraill - tua 40 o bobl,’ meddai Julie.
‘Bydd cynyddu faint o bobl sy’n gwybod am y cyflwr yn eu hatal rhag cael eu dychryn ganddo,’ meddai Julie.
‘Ar ôl cymryd rhan yn Elf Day, fe wnaethant ddysgu ychydig am ddementia ac roeddent yn awyddus iawn i dderbyn fy nghynnig o sesiwn wybodaeth i ddysgu mwy fyth.’
‘Bydd cynyddu faint o bobl sy’n gwybod am y cyflwr yn eu hatal rhag cael eu dychryn ganddo a byddant yn gwybod sut i helpu person y mae dementia yn effeithio arnynt. Rwy’n gweld rhai canlyniadau rhyfeddol ar draws ein hardal - mae caffis, eglwysi, theatrau, amgueddfeydd, siopau, gwestai a bwytai sy’n ffrindiau dementia i gyd yn helpu i newid y byd er gwell.’
Rhoi dysg ar waith
Fel cefnogwr a gwirfoddolwr ers amser maith, mae Julie wedi bod yn rhan o lawer o ddigwyddiadau’r Alzheimer’s Society dros y blynyddoedd, gan gynnwys y Memory Walk ac Wythnos Gweithredu Dementia. Fodd bynnag, mae hi’n annog unrhyw un i gynnal digwyddiad Elf Day ac yn argymell cael cefnogaeth gan rwydweithiau lleol, lle mae pobl yn aml yn awyddus i chwarae eu rhan.
‘Cawsom help gan eglwys leol i ddarparu lluniaeth, roedd y cyd-ganu gyda dynes o’r trefnwyr gweithgareddau Goldies Cymru, ac fe wnaeth tiwtor dawnsio llinell ein helpu i ddysgu’r symudiadau. Darparodd y Ganolfan Gweithredu Dysgu wobrau raffl ac roedd y Siôn Corn o eglwys arall yng Nglynebwy.’
Gwisgwch i fyny ar gyfer Elf Day
Rhannwch hwyl yr ŵyl a gwisgo i fyny yn y gwaith, yn yr ysgol neu yn y gymuned i godi arian ar gyfer pobl sydd wedi’u heffeithio gan ddementia. (Yn Saesneg)